तालाब मा पानी न रहै से प्यासा पशु पक्षी

dc871b66-9f57-4026-ac82-57f55bc998ecसुखा से परेशान पूरा देश प्रदेश जगह -जगह मनई, जानवर, पशु पक्षी पानी पियै खातिर तरसत हईन। हिंआ तक आग लागी जाए से पानी नाय मिल पावत बाय आग बुझावै खातिर। यकर कारन पर्याप्त मात्रा मा बरसात न भै बाय यही से हर ग्राम पंचायत मा जेतना तालाब कुंआ, नदी, नहर, माइनर बाय सब सूख चुका बाय।
ऐसे समय मा तेज धूप होय से जानवर प्यासा इधर उधर भटकत थिन। यह स्थिति मा सरकार काहे नाय कुछ करब बाय।
जानवर अउर पषु पक्षी के प्यास बुझावै खातिर तालाबन मा पानी भरावै का चाही लकिन जिम्मेदार अधिकारी ई कहि कै छुटकारा लई लेथिन कि शासन से आदेश नाय मिला बाय। आखिर आदेष कब मिले जब हर तरफ पानी कै चीख मची जाए तब।
पानी के तलास मा जंगली जानवर गांव मा आवै लागिन अउर गांव के मनईन के ऊपर हमला करत हईन। केतना मनईन जंगली जानवर के हमला से हर रोज घायल होत हईन।
आज कल आग भी बहुत ज्यादा लागत बाय। फायर ब्रिगेड टीम भी समस्या मा पड़ी गै आग बुझावै खातिर पानी टैंकर मा भरी कै लावै का परा थै पानी खत्म होय जाए पानी नाय मिलत यह स्थिति का देखी कै मिल्कीपुर मा तहसील दिवस के समय डी. एम. हर बी. डी. ओ. का तालाबन मा पानी भरावै कै आदेश दई देहिन। लकिन अब ही तक एक्कौ तालाब मा पानी नाय भरावा गै बाय।