तहसील पास होय से जनता खुश

;या जघा मा रहै पैलानी के पुरान तहसील
;या जघा मा रहै पैलानी के पुरान तहसील

जिला बांदा, ब्लाक तिन्दवारी, कस्बा पैलानी। हेंया के मड़ई कहिन कि चुनाव के पहिले मुख्यमंत्री अखिलेश यादव पैलानी तहसील बनावै खातिर कहिन रहै। अब लोक साभ चुनाव आवैं के पहिले आपन वादा भी पूर कई दिहिन है। यहिसे हम खुश है।
कस्बा का बब्लू, पप्पू सहित दस मड़ई बताइन कि हमरे हेंया अंग्रेजन के जमाने मा तहसील बनाई रहै। जब उंई चले गे, तौ तहसील बन्द होइगे रहै। अब यतने सालन मा बहुतै लड़ाई के बाद शासन हमार तहसील बनै के मांग पूर करिस हैं।
अब्दुल कहिस 25 दिसम्बर 2013 का बांदा एस.डी.एम अउर बबेरु विधायक विशम्भर यादव मिल के जमीन के नाप करिन हैं। अबै कउनौ भी तहसील का काम होय तौ बांदा जाय का परत है। अब हमरे हेंया तहसील होई जई तौ बांदा न जाय का परी।
एस.डी.एम उमाकान्त त्रिपाठी का कहब है कि जहां पहिले तहसील बनी रही है तौ हांआ जघा का चयन कीन गा है। बजट आवै के बाद काम शुरू कीन जई।