ढाई हजार के आबादी मा नल नाय

gavan nal fainal
सरकारी हैण्डपम्प नाय

जिला फैजाबाद, ब्लाक मया, गांव गौहनियां। हिंआ इण्डिया मार्का टू हैण्डपम्प नाय लाग बाय।
रामशंकर वर्मा, मोहम्मद हनीफ, जहूर बताइन कि हमरे गांव भर मा एकौ सरकारी नल नाय गड़ा बाय कि केहू बहिरे आयके पानी पी सकै। गरमी के दिन मा बहुत दिक्कत हुआ थै। काहे से कि अउर सब नल पानी बहुत कम दिया थै। अगर सरकारी नल हुअत तौ यतनी किल्लत न हुअत। कमसे कम कपड़ा धोवै जानवर का पियै के खातिर तौ मारा मारी न रहत।
रमाशंकर वर्मा, शान्ती बताइन कि बिना नाली के पानी बहत नाय। गांव के भीतर खडण्जा के ऊपर से पानी अउर कीचड़ बहत बाय जबकि प्रधान से नाली बनवावै खातिर कहा गै पर अबहीं तक बनवावै कै नाव नाय लिहिन।
प्रधान धनपति यादव बताइन कि नाली बनावै ताई हम कइव बार मांग करे हई लकिन गांव कै मनई बिवाद कै दियाथिन। यहि नाली अउर खड़न्जा की ताई अप्लीकेशन एस.डी.एम के लगे गै रहा तौ नायब तहसीलदार, एस.डी.एम दुई महीना पहिले जांच करे रहे लकिन अबहीं तक बनवावै ताई न पास भै बाय न बजट आवा बाय।