डूबे छात्र कै मिला शव

जिला फैजाबाद, कस्बा अयोध्या। हिंआ 21 मई का दोस्तन के साथे सरयू नदी मा स्नान करै आय एक छात्र सरयू मा डूबगै। पुलिस जाल डलवायके गोताखोर के मदद से 22 मई का छात्र कै शव मिला पोस्टमार्टम करवाय के शव परिवार वालेन का शौंपागै।
नन्दिनी नगर महाविद्यालय नवाबगंज गोण्डा कै टीचर आयूब सिद्दिकी बताइन कि बस्ती जिले के कलवारी थाना क्षेत्र के थनवा मुड़ियारी निवासी कौशलेन्द्र प्रताप सिंह बेटवा लोकेन्द्र सिंह नन्दिनी नगर महाविद्यालय नवाबगंज गोण्डा मा बीपीई कै प्रयोगात्मक परिक्षा दियै आय रहिन। शाम के लगभग साढ़े पांच बजे दोस्तन के साथे सरयू के कच्चे घाट नहात के समय सरयू नदी के गहरे पानी मा डूब गइन।
नयाघाट चौकी कै एस.आई. प्रदीप सिंह बताइन कि 22 मई का शव बरामद कइके पोस्टमार्टम कराय के शव परिवार वालेन का शौंप दीनगै।