डिग्री कालेज के करत मांग

ए.डी.एम संतोष कुमार
ए.डी.एम संतोष कुमार

जिला चित्रकूट, ब्लाक मऊ, कस्बा बरगढ़। हिंया बीस बरस से एकौ डिग्री कालेज नहीं आय। या कारन बारह तक पढ़ै के बाद सैकड़न बिटिया आगे के पढ़ाई नहीं कइ पावत हवैं। यहिके खातिर अबै तक कत्तौ लिखित दरखास नहीं दीनगे हवै, पै अब दीन जई। या कहिन कस्बा के मड़ई।
या समस्या का लइके खबर लहरिया पत्रकार ए.डी.एम संतोष कुमार से बात करिन। उनकर कहब हवै कि पहिले लिखित दें फेर आगे डिग्री कालेज के बारे मा सोचा जई।
कस्बा के प्रीति, प्रीतम अउर पूजा का कहब हवै कि डिग्री कालेज नहीं आय। या कारन जेहिके लगे रूपिया हवै। वा मऊ अउर मानिकपुर पढ़ै खातिर जात हवैं। हमरे लगे येत्ता रूपिया भी नहीं आय कि हुंवा पढ़ै जा सकैं। बारह तक पढ़ के घर मा बइठै का परत हवै। हम जइसे कइयौ बिटिया या समस्या से जूझत हवैं। अगर बरगढ़ मा डिग्री कालेज होइ जाये तौ नींक होइ। काहे से कि नौकरी करैं के सोचित हन।