टुटल सड़क पर भरल पानी

Photo-0057
कीचड़ से भरल सड़क

जिला सीतामढ़ी, प्रखण्ड सोनबरसा, पंचायत पुर्णदाहा रजवारा पष्चिमी, गांव छोटी मयूरवा। उहां चैक पर लगभग पैंतीस मीटर तक सड़क टूट के गड्ढ़ा हो गेल हई। जेइमें गाड़ी फस जाई छई अउर आदमी के भी चले मंे बड़ा दिक्कत होई छई।
ओइ चैक के दुकानदार अउर गांव के लोग सुरेष साह, अजय कुमार, रविन्द्र महतो सब कहलथिन कि सड़क लगभग सात-आठ साल से टुटल हई। पानी निकासी के साधन न रहे से सड़क पर घुट्ठी भर पानी जाम हो जाईत रहलई। यही कारण सड़क के रोड़ी उखर गेलई। बिना बरसा में भी उहां पानी रहई छई। बस, टेम्पू, आदमी सब के चले में दिक्कत होई छई। कुछ-कुछ दिन पर राविस से भर देल जाई छई तइयो गड्ढ़ा हो जाई छई। टेम्पू चालक अभिषेक कुमार कहलथिन कि भगवाने भरोसे हम सब गाड़ी चलवई छी। लगइत रहई छई कि गाड़ी फेका जतई। जेतना कमाई छी ओतना गाड़ी में ही लग जाई छई।
मुखिया अनीता देवी कहलथिन कि हमरा पास ओई सड़क के लेल रूपईया न अबई छई। उ सड़क प्रधान मंत्री सड़क निर्माण योजना के तहत बनल हई। ओकरा अलग से टेन्डर होतई। प्रखण्ड विकास पदाधिकारी श्री कांत ठाकुर कहलथिन कि हमरा फण्ड में ओई सड़क के बनावे के रुपईया न अवई छई।