टंकी खराब, बहत पानी

ch wजिला चित्रकूट, ब्लाक कर्वी, कस्बा शिवरामपुर। रेलवे फाटक स्टेशन मा लगभग तीन साल से पानी के टंकी बनी हवै। वा टंकी मा शुरु से पानी चुवत हवै। टंकी का पानी सही करवावै खातिर मड़ई रेलवे स्टेशन मास्टर राजीव कुमार सिंह से 1 मई का कहिन, पेै अबै तक टंकी का पानी वहिनतान चुवत हवै। यहिसे पानी के बर्बादी होत हवै।
इलाहाबाद से बांदा जिला का जाये वाले रामकिशोर का कहब हवै कि पानी के टंकी सही से नही बनी आय। यहिसे पानी बहि जात हवै। वइसे भी पानी के कमी हवै। दूसर बात जउन पानी हवै वा फालतू बहै मा लाग हवै। फालतू के पानी बहै मा रेलवे स्टेशन वाले टंकी का काहे नींक से नहीं बनवावत हवै।
शिवरामपुर, गांव बगलई के रहै वाला कल्लू बांदा जिला के मटौंध कस्बा जात रहै। वहिकर कहब हवैकि टंकी से फालतू पानी बहत हवै या पानी अगर बचावा जाये तौ पियासे मड़इन अउर जानवरन का पानी मिल सकत हवै।
शिवरामपुर रेलवे स्टेशन मास्टर राजीव कुमार सिंह का कहब हवै कि या बात तौ सही आय कि पानी के टंकी चुवत हवै। टंकी का जल्दी सुधरा दीन जई।

रिपोर्टर – तबस्सुम