जिला मा आई महिला सिटी मजिस्ट्रेट

sity majistretजिला बांदा। 27 जून का बांदा जिला मा सिटी मजिस्ट्रेट का पद चित्रलेखा सिंह संभाल लिहिन। उंई हेंया से पहिले रायबरेली जिला मा सिटी मजिस्ट्रेट के पद मा रही हैं। पहली सिटी मजिस्ट्रेट के पद मा रायबरेली अउर दूसर सिटी मजिस्ट्रेट के पद मा बांदा आई हैं। उंई आगरा के रहैं वाली आहीं अउर पढ़ाई लिखाई लखनऊ मा कीनेन हैं। सिटी मजिस्ट्रेट से कुछ इनतान बातचीत भे है।

सवाल- शहर अउर गांवन से आवैं वाले ज्ञापन से आप का कउनतान के गम्भीर समस्या नजर आईं?
जवाब-शहर होय या गांव अउर बांदा जिला होय या रायबरेली सब जघा एकै तान के समस्या नजर आवत हैं, पै बुन्देलखण्ड मा हेंया बिजली, पानी अउर अतिक्रमण के ज्यादा समस्या है।
सवाल-सबसे बड़ी समस्या शहरी कांशीराम आवास कालोनी मा पानी के समस्या है। शहर मा अतिक्रमण के समस्या का कसत निपटइहैं?
जवाब-नगर पालिका से बातचीत कइके मैं अतिक्रमण अउर पानी के समस्या का जड़ से खतम करिहौं। जेहिसे लोग बारम्बार वहै समस्या के शिकार न होय।