जानलेवा बने हवैं बिजली के तार

jagadish gangजिला चित्रकूट, ब्लाक कर्वी, मुहल्ला जगदीश गंज। हिंया बिजली के तार ढीले होय के कारन पैंतिस लोगन के घरन के तार लटकत हवै। इं तारन से कत्तौ भी दुर्घटना होइ सकत हवै।
मुहल्ला के पवन अउर सुमित्रा का कहब हवै कि हमरे घरन से बिजली के तार छुवत हवै अउर मेन रास्ता मा तार बहुतै नीचे हवै। तार नीचे होय के कारन रास्ता से आवैं जाये वाले मड़इन के जान का खतरा हवै। या समस्या पन्द्रह साल से बनी हवै।
कर्वी बिजली विभाग के उपखण्ड अधिकारी आशीष कुमार पाण्डेय का कहब हवै कि मोहिका यहिके बारे मा कउनौ सूचना नहीं आय। अब पता लाग हवै तौ बिजली के तार कसवा दीन जई।