जांच के बाद कारवाही कीन जा सकत हवै

Exif_JPEG_420

जिला चित्रकूट, ब्लाक मऊ, गांव कोलमजरा, मजरा कोठी। हिंया के किरन का आरोप हवै कि मनसवा 15 मार्च का कुल्हाड़ी से मारिस हवै। यहिके रपट बरगढ़ थाना मा लिखाइगे, पै पुलिस कउनौ सुनवाई नहीं करिस हवै।
किरन का कहब हवै कि मोर शादी दुइ बरस पहिलमुरका गांव मा रहैं वाले सत्यनारायण साथै भे रहै। शादी होय के तुरतै बाद मनसवा मोरे साथै मारपीट शुरु कइ दिहिस। मनसवा मोहिका खाना खर्च खातिर एकौ रुपिया नहीं देत रहै।
ऊपर से लाठी डंडा से मारपीट करत रहै। 15 माच्र का कुल्हाड़ी से काटै डारत रहै। मैं कउनौ तान से आपन जान बचा के वहिके लगे से भाग के आपन जान बचायेंव हौं। वा कहत हवै कि एक दिन तोर जान लइके रहिहौं। मोरे एक छोट से लड़की हवै। वहिका कसत पलिहौं यहै चिंता बनी रहत हवै।
बरगढ़ थाना के मुंशी हनुमान प्रसाद का कहब हवै कि सूचना मिली हवै। जांच होय के पहिले कुछौ नहीं कीन जा सकत। या मामला के जांच चलत हवै। जांच मा मामला सही पावा गा तौ सत्यनाराण के खिलाफ कारवाही कीन जा सकत हवै।