जवान लड़कन के मउत होय से बाप का लाग सदमा

karant khabar (2) copyजिला चित्रकूट, ब्लाक कर्वी, कस्बा कर्वी तुलसी मार्केट बस अड्डा मा सपा कार्यालय के छत मा नल लाग हवै। वहिके नीचे कइयौ दुकान हवैं। मानिकपुर ब्लाक, भौंरी गांव का चन्द्रभान के लड़का चूड़ी के दुकान खोले हवै। 24 मई का वहिके लड़का अनिल उर्फ राजा अउर नीरज सुबेरे नहाये खातिर छत मा गें। वहै समय उनका नल से करेंट लाग गा अउर दूनौ दरे मा मर गे, पै प्रशासन कइती से चार घण्टा तक कउनौ नहीं पहुंचा आय। यहै से सोनेपुर सरकारी अस्पताल के सउहें लाश का धइके धरना प्रदर्शन कीने रहेन।
लड़कन का बड़ा भाई पवन रोवत रोवत बताइस कि रोज के तरह मोर भाई नहाये गे रहैं का पता रहै कि आज उनकर मउत होइ जई। महतारी लगभग तीन बरस पहिले खतम होइगे हवै। बाप हम पांच भाइयन का पाल पोस के बड़ा करिस हवै। मोर बाप तौ लाश देख पागल होइगा हवै। अबै तक जिला के अधिकारी कुछौ कारवाही नहीं करिन।

bachhen ka bap copy

भीड़ मा शामिल कइयौ मड़ई चिल्लात रहैं अउर कहत रहैं कि लइ लेइ या दरकी अखिलेश वोट तौ जानी शिवपाल आवा रहै हमार बेटवन के जान लें खातिर। मंत्री के स्वागत मा सब लाग गें लड़कन के मउत होइ गे वहिकर कउनौ का चिन्ता नहीं आय। जाम मा लगभग हजारन मड़ई शामिल रहै। कउनौ का सड़क से नहीं निकरे देत रहैं। पुलिस प्रशासन से कइयौ दरकी बहस भी होइगे। फेर एस. पी. केशव चौधरी अउर एस. डी. एम. रजनीश कुमार मिश्र आ के मामला का शान्त करवाइन तबै जा के जाम खुला हवै। कहिन कि जउन नियम मा होइ वा मुआवजा तौ मिलबै करी। जनता का परेशान करै से कुछ नहीं मिल सकत।

रिपोर्टर – मीरा जाटव और तबस्सुम