जमीन के लाने करी मारपीट

सुमित्रा बताउत समस्या
सुमित्रा बताउत समस्या

। परथनियां की सुमित्रा पत्नी पक्कू ओर अजय अनुरागी के बीच 26 जनवरी 2014 खा लड़ाई भई हे। ईखी रिपोर्ट खरेला थाने में लिखाई हे।
सुमित्रा ने बताओ कि खरेला में सरकारी जमीन हती। ओई में मोओ आदमी पचासन साल से टायर पंचड़ की दुकान करे हतो। ओतई अजय अनुरागी की दुकान हती। दो साल पेहले मोओ आदमी पक्कू मर गओ हे। बरसात के पानी में हमाई दुकान गिर गई हे। अजय अनुरागी ने कब्जा कर लओ हे। 26 जनवरी 2014 खा में आपन दुकान देखे गई तो अजय ने मोय मारो हे। ईखी रिपोर्ट खरेला थाने में लिखाई हे।
अजय अनुरागी ने बताओ कि जमीन मोई आय। ऊखा जमीन दुकान धरें के लाने दई हती, पे नगर पंचायत कहत हे कि जमीन हमाई आय। एईसे चार महीना पेहले नगर पंचायत के ऊपर मुकदमा लगा दओ हे।
नगर पंचायत के बाबू सत्यप्रकाश खरे ने बताओ कि ऊ जमीन पी.डब्लू.डी. के अन्डर में आउत हे। 16 नवम्बर 2013 खा हमने पी.डब्लू.डी. खा सूचित कर दओ हे। अब ऊ अपने हिसाब से कब्जा हटवा लेहे। पी.डब्लू.डी. भाग 1 के सहायक अभियन्ता जय प्रकाश ने बताओ कि हमने ओते की जांच के लाने एस.डी.एम. खा कहो हे। जांच के बाद पता चलहे कि ऊ जमीन किखी आय।