जमीन के पीछे लइ लिहिन जान

bankat gonv copyजिला चित्रकूट, ब्लाक कर्वी, गांव बनकट। हिंया का मुन्ना आरोप लगावत कहिस कि 16 मार्च का भुजई गांव के रहैं वाले मुन्ना अउर राममूरत मोरे बाप दुर्गा का मार मार के जान लइ लिहिन हवै। उंई हमरे एक बिसवा जमीन मा कब्जा करै चाहत रहै। हमार बाप मना करिस तौ मार डारिन हवै।
गांव के मुन्ना का कहब हवै कि मुन्ना अउर राममूरत हमार जमीन मा कब्जा करत रहै। हमार बाप दुर्गा मना करिस। यहिसे उंई हमरे बाप का घर के भीतर खींच के लइगें अउर उंई चारौं जन मिल के खूबै मारिन हवै। बाप का लइके जिला अस्पताल गें रहौं। हंवा एक बाटल भी नहीं चढ़ पाई अउर बाप मर गा हवै। मोरे बाप के उम्र लगभग पैंसठ साल रहै। उनका मोरे बाप के मारै मा का फायदा मिला हवै।
राममूरत अउर मुन्ना बगी हवैं। यहिसे बात नहीं भे आय।
कर्वी कोतवाली के मुंशी काली चरण यादव का कबह हवै कि अबै हिंया कउनौ के नाम रपट नहीं लिखाइगे हवै। पोस्टमार्टम होय के बाद ही पता लाग सकत हवै कि कसत वहिके मउत भे हवै। अगर रपट लिखइहैं तौ कारवाही कीन जई।