जमीन का नहीं मिला मुआवजा

बतावत समस्या
बतावत समस्या

जिला चित्रकूट, ब्लाक मानिकपुर, कस्बा जवाहरनगर। हिंया के शिवपतिया, कुशमा वार्ड सदस्य बसतंलाल समेत दस लोगन का कहब हवै कि मानिकपरु सामुदायिक स्वास्थ्य केन्द्र के बगल से मोहल्ला के मड़ई निकरत रहै तौ नक्कू रास्ता बन्द करै का कहत हवै। यहै से छह महीना पहिले डी.एम बलकार सिंह का दरखास दीन रहेन।
वार्ड सदस्य बसंतलाल का कहब हवै कि या मुहल्ला मा लगभग तीन हजार के आबादी हवै। यहै रास्ता से निकरत हवै। रास्ता बन्द होइ जई तौ दुइ किलो मीटर बैरियल के पास से घूम के जाय का परी। यहै से हम बहुतै परेशान हन।
नक्कू का कहब हवै कि सामुदायिक स्वास्थ केन्द्र के बगल से मोर जमीन हवै। कुछ दिन पहिले डी.एम. बलकार सिंह आय रहै अउर जमीन का मुआवजा दें का कहनि रहैं, पै आज तक मुआवजा नहीं दीन गा आय। यहै से मैं आपन जमीन मा बाउन्ड्री घेरावै चाहत हौं।
टाउन एरिया के बाबू राधेश्याम का कहब हवै कि डी.एम. के मीटिंग मा जइहौं। अउर या जमीन के मुआवजा के बात करिहौं।