जच्चा-बच्चा के देखभाल के मिलई छई रूपईया

 बैद्यनाथपुर गांव के आशा आशा देवी
बैद्यनाथपुर गांव के आशा आशा देवी

जिला शिवहर, प्रखण्ड तरियानी। इहां एच.वी.एन.सी. योजना के तहत अब घर पर ही जे महिला बच्चा के जन्म देथिन ओकरा रिपाॅर्ट आशा कर्मी प्रखण्ड में जमा करथिन। त उनका ढ़ाई सौ रूपईया देल जाई छई।
जईसे कि बेलहिया पंचायत के बैद्यनाथपुर गांव के आशा देवी कहलथिन कि पहिले जे गर्भवती महिला के अस्पताल में जे आशा ले जाईत रहलई अउर ओकरा देख रेख करईत रहलथिन। ओकरे छौ सौ रूपईया मिलईत रहलईय। लेकिन अब घर पर भी बच्चा जन्म लेई छई त ओकरा रिपाॅर्ट प्रखण्ड में फाॅर्म भर के देई छई। त एगो जच्चा-बच्चा पर ढ़ाई सौ रूपईया मिलई छई। अभीय त हम बाईस गो घरे जन्म देल जच्चा-बच्चा के फाॅर्म भरके प्रखण्ड में रिपाॅर्ट पहूंचईलीय। हमरा पांच हजार पांच सौ रूपईया मिललक। तरियानी प्राथमिक स्वास्थ्य केन्द्र के स्वास्थ्य प्रबंधक दीपनरायण सिंह कहलथिन कि पहिले इ नियम न रहलई कि घर पर जे बच्चा जन्म लेईक ओकरा रूपईया आशा कर्मी के न मिलईत रहलई। लेकिन जुलाई 2013 से इ नियम लागू भेलईय कि अभी त ऐई प्रखण्ड में लगभग एक सौ आशा कर्मी ऐकर लाभ उठलथिनय।