जगह-जगह जला ट्रासफार्मर

gaow final3जिला अम्बेडकर नगर, ब्लाक कटेहरी। हिंआ बसन्तपुर महरूआ अउर कटेहरी बिजली विभाग के लगे ट्रासफार्मर जली गै बाय। जेसे लगभग तीन हजार मनई अधियारे मा होई गइन।
महरूआ से सुल्तानपुर जाए वाले सड़क पै रहै वाले बजार वासी कहिन कि 22 फरवरी कै ट्रांसफार्मर जली गै रहा। 28 फरवरी कै ट्रासफार्मर बदल के दूसर लगावा गै। जइसे बिजली आय तुरन्त ट्रासफार्मर कै तार गली के गिर गै। अउर धमाका के साथे ट्रासफार्मर जलिगै।
बिजली उपभोक्ता महरूआ नीरज सिंह, डाक्टर उमाषंकर सिंह बताइन कि कटेहरी बिजली विभाग के लगे लाग ट्रासफार्मर 2 मार्च 2015 का जलिगै। आधा कटेहरी बाजार अंधियारे मा होइगै। बसन्तपुर गंाव मा 24 फरवरी से जला ट्रासफार्मर 3 मार्च कै उतारा जात रहा। खबर लिखै तक दूसर लाग नाय रहा।
महरूआ बिजली विभाग कै अवर अभियन्ता गयादीन बताइन कि निजी व्यवस्था से तीन खंभा खातिर तार जिला मुख्यालय से मंगवाई गै बाय। जल्दी ही ट्रासफार्मर ठीक कराई कै बिजली कै आपूर्ति किया जाए।