जंग खात जनरेटर

taza fainalजिला अम्बेडकर नगर, ब्लाक कटेहरी। सामुदायिक स्वास्थ्य केन्द्र मा जनरेटर खाली देखावटी मा धरा बाय। मरीज मोमबत्ती जलाय के रात गुजाराथिन। डीजल कै पैसा न हुवय कै बात कहिके मरीजन के समस्या का टाल दियाथिन।
इलाज करावै आये अजय कुमार सोनी, रीता तिवारी अउर अवधेष सिंह बताइन कि सामुदायिक स्वास्थ्य केन्द्र मा जनरेेटर धरा बाय। कहियौ चलत नाय। बिजली खाली सवेरे सात बजे से ग्यारह बजे तक रहाथै। जेसे काफी परेषानी कै सामना करै का परत बाय।
प्रसूती मेहरारु सोनी बताइन कि रात के समय मोमबत्ती जलाय के रहै का पराथै। बिजली रहाथै तब तक राहत रहाथै। बिजली चली जाए तौ गर्मी अउर मच्छर से रहाइस नाय हुवत। मरीज अउर डाक्टर सब बेहाल हइन। केहू षासन प्रषासन यकै ध्यान नाय दियत।
अधीक्षक पवन कुमार बताइन कि डीजल न हुवय से नाय चलत। जब डीजल कै बजट आय जाये तौ चालू कै दीन जाये।