छप्पर मा रहै का मजबूर

taza final 2 copyजिला फैजाबाद, ब्लाक तारुन, गांव बरांव। यहि गांव का सांसद आदर्श गांव योजना के तहत चयनित कीन गा बाय। जेहमा मनइन का इन्दिरा आवास बनिके दीवाल खड़ी बाय। लकिन छत न परै से छप्पर के नीचे रहै का मजबूर अहैं। यहि गांव का भाजपा सांसद विनय कटियार डेढ़ साल पहिले गोद लइके आदर्श गांव के रुप मा चयनित करे रहिन।
गांव कै कमला, चन्द्रावती अउर जगराम निषाद बताइन कि जवन छान छप्पर कै घर रहा उहौ उजार दिहन। अब धीरे धीरे बरसात कै दिन आवत बाय। रहै कै जगह नाय बाय। इन्दिरा आवास कै दीवाल खड़ी बाय। छत डारै कै दुसरी किस्त कै पैसा नाय आय। हल्की बरसात मा भी दुसरे के घरमा शरण लियै का परत बाय।
प्रधान अनीता बताइन कि पूरे गांव मा लगभग सौ कालोनी बनीं बाय। पैंतिस कालोनी कै दुसरी किस्त कै पैसा नाय आय बाय। गांव वाले भी छत डारै के ताई काफी शिकायत करत अहैं। लकिन अबहीं तक पैसा न आवै से अधूरा बाय। अगले महीना तक पैसा आये तब सबकै छत लागि जाये।