चेक मे होत घोटला, किसान परेशान

 दरखास दई किसानन
दरखास दई किसानन

जिला महोबा, ब्लाक जैतपुर, गांव घुटाई। एते के किसानन को अरोप हे हमाये गांव में दोनऊ साल के ओलावृष्टि को मुआवजा नई मिलो हे। जीसे हमने 19 मई खा तहसील दिवस में दरखास दई हे। अश्वासन के अलावा कछू नई मिलत हे।
अजय सिंह रामकुवर, राजेन्द्र कहत हें कि हमाये आधे गांव के किसानन खे न ई साल के मिली हे ओर न पिछले साल की। अगर हम लेखपाल ओर अधिकारी से कहत हे तो ऊ कहत हे कि अभे तक काय नई बताओ हे। हम सौ रूपइया किराओ लगा के हर तहसील दिवस मे आउत हे, की हम खा चेक मिल जाय तो नई मिलत हे। सुनीता माया ओर सरस्वती ने बताओ कि हमई खेती में कछू नई भओ हे। अब हमाये घर को खरर्चा केसे चलहे। हम एक एक दाना को मोहताज हे। ईसे ऊसे कर्जा लेके घर को खर्च चलाउत हे। जो लेखपाल हमें चेक देयत तो कुछ रहत मिल जात।
लेखपाल हरप्रसाद ने बताओ की मेंने रिपोर्ट लगा के कानूनगो खा दे दई हे ओर जून के महीना तक ईखो दोनऊ साल की चेक दे देई जेहे।