चेक को बैंक से नई मिलत रूपइया

Jaitpur - Kulpahad Bank webजिला महोबा, ब्लाक जैतपुर, कस्बा कुलपहाड़, स्टेट बैंक मैनेंजर की लापरवाही के कारन किसानन खा एक दिन के काम के लाने महिनन चक्कर लगाने परत हें। जीसे खाता धारक बोहतई गुस्सा नजर आउत हे।

गांव बछेछर को रामकिसुन गुप्ता बताउत हे कि में ई बैंक को खाता धारक हों। मोये 2014 की ओलावृष्टि की बारह हजार छह सौ रूपइया की चेक मिली हती। चेक संख्या 358819 हे। चेक 2 फरवरी खा खाता में लगाई हती। रूपइया आज तक नई आओ हे। बैंक जात हों तो बैंक मैनेंजर ओर कर्मचारी खिसिया के भगा देत हे। कहत हे की 2-3 दिन में रूपइया आ जेहे। चार महिना बीते के बाद भी आज कल होत हे। मोओ हजार रूपइया किराओ में लग गओ हे। में एस.डी.एम. से कहत हें तो ऊ भीं अश्वासन देके लौटा देत हे। जभे की मोई चेक तुरतई भजें के ऊमें हती। भारतीय स्टेट बैंक कुलपहाड़ के मैनेजर ने कोई भी कारन बतायें से मना कर दओ।