चलत ट्रेन से गिर गा, मउत

Exif_JPEG_420जिला चित्रकूट, ब्लाक मऊ,बरगढ़ रेलवे स्टेशन। हिंया सिद्धार्थ नाम का मड़ई 25 मार्च का बुंदेलखण्ड एक्सप्रेस से चलत ट्रेन से गिर के मर गा हवै। वा रहैं वाला इलाहाबाद के नोनई गांव का रहै।
हिंया के विजय कुमार का कहब हवै कि लड़का बांदा जिला जात रहै। जइसेन ट्रेन कोटवा माफी गांव के नदौली पुरवा के लगे पहुंची तौ सिद्धार्थ चलत ट्रेन से गिर गा हवै। गिरैं के कारन वहिके दरे मा मउत होइगे हवै। लड़का के उम्र लगभग पच्चीस साल रहै। या तौ कहौ कि येत्ता नींक भा कि मै हुंवा पहुंच गयेंव। नहीं तौ लड़का के लाश का अज्ञात मा डार दीन गा रहै। मैं जा के तुरतै लाश देख के कहेंव कि या मोरे लड़का के लाश हवै।
बरगढ़ थाना के मुशी हनुमान प्रसाद का कहब हवै कि लाश का पोस्ट मार्टम करवा दीन गा हवै। पोस्ट मार्टम करवावैं के बाद लाश वहिके परिवार वालेन का दइ दीन गे हवै।