चक्की कारखाना मा फंस के घायल

banda  (5)जिला बांदा, ब्लाक महुआ, गांव तेरा ब। हेंया का गोली 10 फरवरी का अतर्रा थाना मा दरखास दिहिस कि चक्की के पट्टा मा फंसै से वहिके भाई लिप्पा के गम्भीर चोट आई हंै। अब वा कानपुर के रामादेवी अस्पताल मा कोमा मा है। चक्की मालिक इलाज नहीं करावत आय।
गोली का कहब है कि मोर भाई लिप्पा कमलेश उर्फ बबलू सिंह के चक्की मा पेराई, पिसाई अउर दराई करत है। 6 फरवरी का लिप्पा का करखाना मालिक काम करैं खातिर मजबूर करिस। जबैकि लिप्पा मना करिस कि वहिका नींद आवत है, पै कारखाना मालिक के धमकी के डर से काम करैं लाग। पेराई करावैं आयेे किसान होंआ मौजूद रहैं। नींद आवैं के कारन लिप्पा का गोड चलत चक्की के पट्टा मा फंस गा। कइयौ राउण्ड के बाद बड़े मुश्किल से काम करावैं आये किसान चक्की बंद कई पाइन। लिप्पा का एक गोड टूट गा अउर सिर मा गम्भीर चोट हैं। बांदा अतर्रा के डाक्टर जवाब दई दिहिन। दुई लाख रूपिया लाग चुका है। आगे के कउनौ व्यवस्था निहाय। कारखाना मालिक एक रूपिया लगावैं का तैयार निहाय। एस.ओ. कहत रहैं कि पहिले इलाज कराव बाद मा रपट लिख जई।
कमलेश उर्फ बबलू सिंह से बात करैं के कोशिश कीन गे, पै बात नहीं होई पावत आय।
अतर्रा थाना के से पता चला कि इनतान का कउनौ भी मामला थाना नहीं आवा आय। अब अगर थाना दरखास अई तौ कानूनी कारवाही कीन जई। मामला के पूरी जानकारी थाना का पता है।