घर के बड़ा दिक्कत हय

Photo0100
अइसन है घर

जिला सीतामढ़ी, प्रखण्ड सोनबरसा, पंचायत पिपरा परसाईन, गांव जानकीनगर, वार्ड नम्बर दु में लगभग बारह लोग के बी.पी.एल. में नौ अंक हई। जिनका रहे के लेल घर न हई, अउर आइ तक उनका इंदिरा आवास न मिललईय। घर के बेगर उनका सबके बरसात सुखार सब में बड़ा दिक्कत होइ छई।
उहां के गणेष राय, रेखा देवी के कहना हई कि हम सब बी.पी.एल. परिवार से छी। दिल्ली, पंजाव कमाय जाई छी त अपन परिवार चलवई छी। अभी महंगाई के जमाना में ईटा के घर बनावे में लोग के हालत खराब हो जाई छई। सोचईत रहली की इंदिरा आवास मिल जइतियई त घर बनावे मे सहयोग  हो जइतियई। लेकिन उहो न मिलई छई त घर केना बनतई?
मुखिया देवल साह कहलथिन कि अभी नौै अंक के लोग के इंदिरा आवास बटा रहल हई। पिछड़ी जाति के कोटा में कम लोग के अवई छई। देर से ही सही लेकिन उनका सब के जरूर मिलतई।
प्रखण्ड विकास पदाधिकारी श्री कांत ठाकुर कहलथिन कि इंदिरा आवास में अब कोई गरबड़ी न होई छई। जिनकर लिस्ट मे नाम अतई उनके इंदिरा आवास के लाभ मिलतई।