गोदाम मा नाय रहत पूरा बीज

Photo0100जिला फैजाबाद, ब्लाक मया, ग्रामसभा टंडौली। हिंआ बीज वितरण समिति गोदाम पै 1 मई 2014 से धान कै बीज मिलत बाय। लकिन सब तरह कै बीज नाय बाय। सब किसान परेषान हइन।
लक्ष्मनपुर कै अवधेष कुमार, संतकुमार बताइन कि हमरे सब पन्द्रह दिन से रोज-रोज धान के बीज की खातिर दौरत हई। कहियौ मंसूरी धान खतम होय जाथै तौ कभौं सरजू बावन धान खतम होय जाथै। मनई सोंचत रहा कि यहि दुकान पै बीज ढ़ेर तादात मा रहाथै। लकिन अबहीं बोवै वाला धान नाय आय बाय। अगर कउनौ दुकान पै हइयौ बाय तौ बहुत मंहगा बाय।
राम मिलन, रामलौट, अजीत बताइन कि ढ़ैंचा (हरी खाद) किसानन का अप्रैल मा मिल जाए का चाही, लकिन अबहीं तक नाय मिला। बीज खातिर हमरे सब सारा दिन इन्तजार कइके लौट जात हई। 28 मई का बीज कृषि विभाग से आये इहै तौ विभाग कै कर्मचारी कहिके कार्यालय से लौटाय दियत बाटिन कि अबहीं बीज नाय बाय।
गोदाम कर्मचारी कृपाषंकर सिंह बताइन कि हम पैंतिस साल से हिंआ पै कार्यरत हई। हर बार इहै दषा रहाथै जवन बीज ठीक रहे ऊ बहुत कम मात्रा मा आवाथै। कृषि विभाग से पन्द्रह दिन हुवत बाय बीज, जिंक खाद अबहीं ले नाय आवा।