गोदाम पै कम आवत बाय गेहूं

kasba final 2 (2) copyजिला अम्बेडकर नगर, ब्लाक भीटी राजकीय क्रय एजेन्सी। हिंआ पीसीएफ गोदाम पांच हजार कुन्तल खरीद कै लक्ष्य बनायगै रहा। जेहमा से अबहीं पन्द्रह सौ कुन्तल ही खरीद भै बाय।
किसान अरुण सिंह, राजेश यादव अउर राजेंन्द्र वर्मा कै कहब बाय कि गेहूं बेंचै खातिर खरीद केन्द्र पर से बोरा घरे लै आवा वहमा गेंहू भरा फिर ट्रैक्टर ट्राली मा लादिके गोदाम मा लै जा। तब दाम मिले पन्द्रह सौ पचीस रुपया प्रति कुन्तल। यसे ज्यादा दाम तौ आढ़त पै मिलाथै। अपने सामान के साथे घरे आइके गेहूं खरीदाथिन। किसानन कै कहब बाय कि जब गेहूं कै दाम बढ़ाय जाये तब गोदाम पै गेहूं बेचा जाये। यही कारन से गोदाम मा गेहूं कम आवत बाय।
एस.डी.एम एस. पी. सिंह कै कहब बाय कि क्रय एजेन्सी के अधिकारियन व केन्द्र प्रभारियन का बैठक मा निर्देशित कइके किसानन से संपर्क कइके खरीद कै लक्ष्य बढ़ावै कै निर्देष दियागै बाय। खाद्य विपणन अधिकारी चन्द्रशेखर ओझा कहिन कि गेहूं खरीद कै लक्ष्य हर हाल मा पूरा कै जाए यकरी ताई जांच कराय जाये।