गांव मा भी देखाय लाग सूखा कै असर

Exif_JPEG_420जिला अम्बेडकर नगर, ब्लाक भीटी, गांव मिझौड़ा। हिंआ सूखा के कारण सब देशी हैण्डपम्प पानी दियब बन्द कै दिहे अहैं।
अब्दुल मन्नान कुरैशी, मदरसा स्कूल कै देखभाल करै वाले उमर कुरैशी कै कहब बाय कि पानी कै यतनी कमी होइगै बाय कि गेदहरै आपन तख्ती नाय धोय पावत अहैं। लगभग दस हजार आबादी कै मुश्लिम बस्ती बाय। बाल्टी भर पानी के ताई तरसै का परत बाय। यइसेन सूखा कबहूं नाय देखे रहेन। गांव मा लगभग नब्बे प्रतिशत नल पानी छोड़ि देहे अहैं। गांव मा दुई तीन जने गहराई जेट पम्प लगाये अहैं विजली अउतै उनके घरे लाइन लागि जाथै।
प्रधान मोहम्मद अबरार कै कहब बाय कि एक हैण्डपम्प कै बोरिंग हुवत बाय। चार हैण्डपम्प खातिर पाइप आय बाय।