गन्दगी से भरी हें नाली

Gauseepur--photo-banda-se-pez-copyजिला महोबा, ब्लाक चरखारी, कस्बा खरेला। ई कस्बा में नाला ओर नालियन की सफाई नईं होत हे। जीसे बोहतई मच्छर लागत हे ओर बीमारी को डर बनो रहत हे। एई कारन एते के हजारन आदमियन खा परेशानी हे।
कस्बा के अजय गुप्ता, मुन्ना गुप्ता, मनपाल सिहं ओर हजरत मंसूरी कहत हे की हमाये एते लगभग एक महीना से सफाई नई भई हे। अगर एते सफाई न हो हें, तो हम लोगन खा मच्छर बोहतई परेशान करत हे। दुकानन ओर दरवाजे में बेठबो मुश्किल हो जात हे। सरकार ने तो स्वछता अभियान चलाओ हे कि गांवन, कस्बन ओर शहरन में साफ सफाई रहे सकहे, पे एते तो महीना बीत जात हें। सफाई ही नई होत हे।
चेयरमैन सिद्व गोपाल कहत हे कि अगर उते सफाई नई होत हे, तो करवा दई जेहे।