गन्दगी से भरा बाजार कूडेदान नाय

DSCF5882जिला फैजाबाद, ब्लाक तारून, कस्बा नन्सा बाजार। हिआं जगह-जगह गन्दगी अउर कूडा कै ढ़ेर लाग बाय। सफाई कर्मी नाय अउते न ही कूडेदान कै व्यवस्था बाय।
संकर दत्त दूबे बताइन कि 1996 से हिआं दुकान करे हई आज तक सफाई कर्मी नाय आय बाटे। सफाई न हुवय से बहुत दिक्कत बाय। संतोष तिवारी अउर अनीता बताइन कि बाजार मा सरकारी हैण्डपम्प लाग बाय। वहमा यतनी ज्यादा गन्दगी बाय की पानी पियै के लायक नाय बाय। हैण्डपम्प कूडा कचरा से भरा बाय। जउने दिन बाजार लागाथै तौ अउर कूडा करकट होय जाथै। जे साफ करायै अपने सामने से साफ कै लिया थै बाकी सड़क पै वैसे पड़ा रहा थै। साथ-साथ कूडेदान नाय बाय कि मनई वही मा कूड़ा डालै।
सफाई कर्मी आदित्य कुमार बताइन कि यतना बड़ा ग्रामसभा बाय। स्कूल पै रोज साफ करै का परा थै यहि कारण चैथे पचये जाई थी रोज नाय।
ए.डी.ओ. पंचायत षेसदेव पाण्डेय बताइन कि जांच कराय के सफाई कर्मी के ऊपर कार्य वाही कीन जाये अउर कूडादान रखाय दीन जाये।