गन्दगी से परेषान मनई, भठा नाला

जिला फैजाबाद, कस्gaow3 finalबा वजीरगंज। यहिं बना नाला कै तीस साल से सफाई न हुवय से काफी दिक्कत बाय। नाला भठ जाए से कीड़ा बजबजात अहैं।
वजीरगंज वार्ड नम्बर 29 कै रामनरेष साहू, पतिराम अउर अजीज उल्ला बताइन कि बीस साल से रहत हई लकिन नाला एकदम कचरा से जाम होइगा बाय। केहू यकै सफाई नाय करावत। कइव बार नगरपालिका मा अप्लीकेषन दीनगा लकिन कउनौ सुनवाई नाय भै। वोट लियै का हुआथै तौ रोज घरे आवाथिन। जीतै के बाद देखाय नाय पड़ते।
सफाईकर्मी गौरी, संतोषी बताइन कि हम चार जनी यहि वार्ड मा सफाई करीथी। तबौ मोहल्ला वाले षिकायत कराथिन।
सभासद औरंगजेब बताइन कि हिंआ कै मनई जूता, चप्पल कै काम कराथिन अउर जवन कूड़ा निकरा थै वका नाला मा फेंक दिया थिन। यही से हिंआ ज्यादा गन्दगी हुआथै। अउर जवन रास्ता रहा वहीं घर बनवाय लिहै बाटे यही नाते हुंआ कै सफाई नाय होय पावत बाय। लकिन हम नगरपालिका का सफाई करावै के ताई अप्लीकेषन देहे हई।
नगरपालिका कै चेयरमैन विजय गुप्ता बताइन कि यकै काम चलत बाय। जेतना नाला बाय वकै सबकै जांच कराय के सफाई करावा जाये।