गन्दगी से परेशान

कस्बा मा कूड़ा का ढेर
कस्बा मा कूड़ा का ढेर

जिला चित्रकूट, ब्लाक मानिकपुर, कस्बा ऐंचवारा। हिंया एक बरस से बरसात के समय बहुतै गन्दगी रहत हवै। या कारन लगभग पचास मड़ई परेशान हवै। घरन के कूड़ा डारै खातिर कूड़ा दान धरवा दीन जाये तौ नींक होइ।
या समस्या का लइके प्रधान संदीप कुमार से बात कीन गे। वहिकर कहब हवै कि गांव के मड़ई खुदै गन्दगी मचावत  हवै। कूड़ादान टाउन एरिया से मिलत हवै। मड़ई हुंवा से मांग कइ सकत हवै।
कस्बा के मोहनलाल अउर नजीर समेत दस मड़इन का कहब हवै कि गन्दगी के कारन बदबू आवत हवै। हिंया सफाई का नाम तक नहीं आय। कूड़ा का ढेर लाग हवै।
कत्तौ कूड़ा दान नहीं धरा आय कि मड़ई वहिमा कूड़ा डार सकैं। प्रधान से कइयौ दरकी कहे हन, पै वा हिंया झाकैं तक नहीं आवत आय।
अगर यहिनतान गन्दगी रहि तौ बीमारी फइलै का डेर बना रहत हवै। हमार कउनौ नहीं सुनत।
चार महीना से या समस्या का झेलित हन। समस्या खतम होय का नाम नहीं आवत आय।