गंदगी का ढेर, बीमारी का न्यौता

bass addaजिला चित्रकूट, बस अड्डा, विश्वकर्मा कुंआ के पीछे। हिंया के मड़ई कहिन कि रास्ता बनवावैं खातिर नगर पालिका मा अंतिम दरखास 2 फरवरी का दीन गे। यहिके पहिले भी कइयौ दरकी लिखित दरखास दीन हवै।
मुहल्ला के धीरेन्द्र सिंह, आशीष कुमार चतुर्वेदी का कहब हवै अशोक श्रीवास्वत के घर से लइके देवदास निषाद के घर तक कच्चा रास्ता होय से गंदगी रहत हवै। गंदगी के कारन स्वाइन फ्लू, मलेरिया अउर कालरा जइसे के बीमारी होय का डेर हवैं। सुअर भी खूबै बइठे रहत हवंै अउर बच्चन का घायल कई देत हवैं। मारे गन्दगी के रहब मुश्किल हवै।
कर्वी नगर पालिका के जे.ई. संतोष सिंह राठौर कहिन कि अप्रैल तक रास्ता बन जई। बजट न होय के कारन नहीं बना हवै।