खराब सड़क पर सरकारी बस सेवा ठप

27-05-15 Banda - Kamasin Road webजिला बांदा, ब्लाक कमासिन, कस्बा कमासिन। बांदा से लमियारी जिला चित्रकूट तक पैंसठ किलोमीटर सड़क में सरकारी बस सेवा बंद कई दीन गे है। काहे से दुई साल से सड़क खराब है। अबै तौ बजट का प्रस्ताव लखनऊ पहुंचा है तौ बजट पास होय से लइके सड़क बनावैं तक अंदाजा लगाया जा सकत है कि केतना समय लागी।

20 मई का इटर्रा गांव से बबेरू जाय वाले ष्यामू अउर षिवसखा आपन परिवार लीने कमासिन बस स्टैण्ड मा सुबेरे सात बजे से तीन बजे तक बइठ रहिगें, पै प्राईवेट बस मा बइठै का जघा नहीं मिली आय।
24 मई का कमासिन से मानिकपुर जाय वाले चुन्नू, षिवसूरत, षिवम अउर षोभावती का कहब है-बांदा से मानिकपुर दुई रोडवेज बसै चलत रहै। हेंया से सीधे मानिकपुर का बइठ जात रहन, पै अब पहिले राजापुर उतरै फेर बस बदल के मानिकपुर वाली मा बइठै। फेर भी प्राईवेट बस मा बइठ के हालत खराब होई जात है।
परिवहन विभाग से सहायक क्षेत्रीय अधिकारी महेष कुमार का कहब है कि उंई वा रोड मा बस न चलवा पइहैं। रोज के टायर फाट जात हैं। कमानी टुटत हैं। डीजल ज्यादा लागत है। जेतने का फायदा नहीं वतने का नुकसान होई जात है।

पी.डब्यू.डी. प्रान्तीय खण्ड के सहायक अभियन्ता ओ.पी. सिंह कहिन कि बांदा से लमियारी तक पैंसठ किलोमीटर सडक बनैं का है। बबेरू से लमियारी तक सड़क आर.सी.सी. बनी जेहिका छप्पन करोड रूपिया का बजट बनाके लोक निर्माण विभाग लखनऊ मई 2015 मा भेज दीन गा है। बहुतै जल्दी उम्मीद है कि बजट पास होई जई अउर सड़क बनै लागी। या सड़क के साथै-साथै बांदा के सबै सडकैं बनवा दीन जइहैं।

Click here to read in English