खराब परा इण्डिया टू मार्का हैण्डपम्प

kasba copyजिला अम्बेडकरनगर, ब्लाक कटेहरी, अन्नावा बाजार। हिंआ दसन साल से सरकारी नलका बिगड़ा परा बाय। गर्मी कै मौसम आवै वाला बाय पानी कै जरूरत बढ़ी जाए।
बाजार वासी रामलहन धुरिया बताइन कि बाजार मा दुई नलका बाय। एक बाजार मा दयाराम के घर के सामने एक बंगाली डाक्टर के घर के बगल दुईनौ बिगड़ा परा बाय। आवै जाये वाले मनई का बहुत दिक्कत हुआथै।
गर्मी कै मौसम आवै वाला बाय पानी कै जरूरत ज्यादा परे हर समय मनईन के प्यास लागे तौ इधर-उधर नलका हेराथिन। ई नलका बनवावै कै सुधी केहू का नाय बाय। अगर ई दुइनौ नलका ठीक कराई दिया जाए। तौ आवै जाए वाले मनईन का गर्मी मा पानी कै समस्या न आए।
प्रधान मिथलेश गुप्ता पति ओम प्रकाश गुप्ता बताइन कि बंगाली डाक्टर के घर के बगल कै नलका कै रिबोर खराब बाय। दूसर रिबोर कै जरूरत बाय। दयाराम के घर के सामने वाला नलका बिगड़ा बाय यकर जानकारी नाय रही अब जानकारी मिली बाय। दुई चार दिन मा बनवाय दिया जाए।