केकरो दु, केकरो पांच साल से बाकी

 कुसमी देवी अउर पार्वती देवी
कुसमी देवी अउर पार्वती देवी

जिला शिवहर, प्रखण्ड तरियानी, गांव सलेमपुर, वार्ड नम्बर आठ। इहां के मोहम्मद बदरी, कुसमी देवी अउर पार्वती देवी के बेटी के शादी लगभग दु से पांच साल पहिले होलई। लेकिन इनका सब के कन्या विवाह के रूपईया न मिललई।
मोहम्मद बदरी कहलथिन कि हमर बेटी के शादी के लगभग दु साल हो गेल। कुशमी देवी के बेटी कविता के शादी लगभग तीन साल पहिले होलई। लेकिन कुछ न भेल। उहे पार्वती देवी कहलथिन कि हमरा बेटी के शादी के लगभग पांच साल हो गेलई। हमरा सब के पास पिला कार्ड हय तईयो हमरा बेटी सब के लाभ न मिलल। सारा कागज मुखिया के पास जमा कईली लेकिन कि करू कुछ न भेल? जेहे पांच हजार रूपईया मिलईत त बेटी के कुछो-कुछो खरीद के देती।
प्रखण्ड विकास पदाधिकारी साह रजा हुसैन कहलथिन कि इ बात त उ लोग सही कहई छथिन कि रूपईया न मिलल हई। कयला कि रूपईया  कम हई अउर लेवे वाला लोग ज्यादा हई। नम्बर के अनुसार बारी-बारी से सब के रूपईया मिलतई।