कालोनी खातिर धरिन धरना

कहां मिली कालोनी
कहां मिली कालोनी

जिला चित्रकूट, ब्लाक मानिकपुर गांव बगदरी। हिंया एक हजार के आबादी हवै। येत्ती आबादी मा कउनौ का कालोनी नहीं  मिली आय। यहै कारन 9 सितम्बर 2013 का ब्लाक मा धरना धरा गा। या समस्या बीस बरस से हवै।
गांव के रानी, बसंती, गीता अउर पप्पू समेत सैकड़न लोगन का कहब हवै कि रहैं खातिर घर नहीं आय। झोपड़ी मा रहित हन। प्रधान सुग्गन से कालोनी के मांग कीने हन, पै वा ध्यान नहीं देत आय। वोट लें खातिर जीतै से पहिले मड़ई हाथ गोड़ जोड़त हवै। जीतै के बाद घूम के नहीं देखत आहीं कि कहां कउन रहत हवै। बीस बरस से कालोनी नहीं देत आहीं।
प्रधान सुग्गन कहिस कि सरकार कइती से कालोनी नहीं आई आय। ब्लाक प्रमुख श्याम बिहारी का कहब हवै कि मड़इन का कालोनी देवाई जई।