कारवाही के लाने तहसील दिवस में दई दरखास

tahsilमहोबा शहर कोतवाली क्षेत्र में एक महीना पेहले दिन दहाड़े दो आदमियन ने एक महिला के साथे बलात्कार करें को प्रयास करो हतो।
ओरत को आरोप हे की 8 अप्रैल खा ऊ अपने दो बच्चन के साथे अकेलेम घर में हती। मोओ आदमी बाहर रेहके मजदूरी करत हे। तभई मोहल्ला को रज्जू पंडित ओर उखो दोस्त दोपहर 11 बजे मोये घर मे घुस आये। तमंचा भी लये हते। तमंचा दिखा के मोये साथे छेड़खानी करन लगे, मे चिलाये की कोशिश करी तो जान से मारे की धमकी दई। ओर बलात्कार करें को प्रयास करो हतो। कोनऊ तरह से छूट के बाहर भागी तो कारवाही करें ओर कोनऊ से बतायें पे जान से मारे की धमकी दई। फोन में गाली गलौज करत हे। मेने दसन दइयां 1090 मे काल कर चुकी हो। पे कोनऊ कारवाही नईं होत हे। कोतवाली में ईखी दरखास दई में मुकदमा भी नई लिखो हे। मुकदमा लिखाये के लाने में बांदा तक दरखास देन गईं हो। एक महीना से न्याय के लाने भटकत हों, पे मोई कोनऊ सुनवाई नई करत हे। दुबारा से 3 मई खा महोबा तहसील दिवस में दरखास दई हों। जीसे न्याय मिल सके। अगर मोंये न्याय न मिलहे तो अनशन करें खा मजबूर हो जेहों।
महोबा कोतवाली कोतवाल राजीव कुमार बताउत हे की मोये एते एसी कोनऊ दरखास नई आई हे। अगर आई होती तो जांच करके कारवाही करी जाती।

रिपोर्टर – सुनीता प्रजापति