कांप उठा मड़ई

6जिला चित्रकूट, ब्लाक रामनगर, गांव बरेठी मोड़। हिंया 12 अप्रैल 2014 का रोडवेज अनुबंधित बस पवन के कमानी टूटै से बस खाई मा गिरगे। बस मा बइठे पैतालिस यात्री घायल होइगें हवै। जेहिमा दस यात्री गम्भीर रूप से घायल हवैं। एक सवारी के हालत बहुतै गम्भीर रहै। वहिकर दूनौ हाथ कट गें अउर खोपड़ी मा गम्भीर चोट लाग हवै। सब घायलन का इलाहाबाद अस्पताल भेजा गा हवै।
मोहन, पप्पू रमेश बताइन-“ 12 अ्रपैल 2014 का शाम के कर्वी से इलाहाबाद जात समय पवन बस के कमानी बरेठी मोड़ मा टूट गे। या कारन बस तीन दरकी पलटी खा के खाई मा गिर गे हवै। कउनौ सवारिन का हाथ कट गे तौ कउनौ को होश नहीं रहै तौ कउनौ खून से लथपथ रहैं। या देख आस पास खेत मा काम करैं वाले मड़ई दउड़ परे अउर सवारिन का निकारिन हवैं। ड्राइवर अउर कन्डेक्टर भी घायल हवैं।” राजापुर कस्बा का रहैं वाला ओम प्रकाश केशरवानी भी वहै बस मा रहै। वा इलाहाबाद जात रहे वहिकर दूनौ हाथ कट गें हवै। वहिकर इलाहाबाद के मोहक अस्पताल मा इलाज चलत हवै। बाकी लोगन का स्वरूपरानी मा इलाज होत हवै। इनतान का एक्सीडेन्ट देख मड़इन के रोवा ढाड़ होइगें कुछ लोग तौ देख के बेहोश होइगें। कर्वी परिवहन विभाग के टी.आई. सुधीर सोनी का कहब हवै कि जांच चलत हवै। जीरो रोड इलाहाबाद से यात्रीयन के सुनवाई होइ सकत हवै।