कहिया ठीक होतई व्यवस्था

webs
मध्य विद्यालय पकटोला

जिला सीतामढ़ी, प्रखण्ड डुमरा, पंचायत मिश्रौलिया गांव पकटोला। उहां के मध्य विद्यालय में तदर्थ समिति के बैठक ठीक से न होई छई। उहां के लक्ष्मी पासवान, दिनेश राय कहलथिन कि इहां के कोई बैठक चाहे कोई भी विकास के काम के लेके हमरा सब के कहियो न शिक्षक लोग जानकारी देई छथिन। विद्यालय में बच्चा सब इधर-उधर खेलइत रहई छई। लेकिन कोई व्यवस्था ठीक न हई। कयला सरकार झुठ-मुठ के खिचरी योजना चलबयेले छथिन। सब पढ़ाई लिखाई खिचरी भेगेल हई। कुछ शिक्षक खिचड़ीय में लागल रहलक त कोनो रिर्पोट बनावे में त कोई अयबे न कयलक। कोनो बच्चा के संभाले में लागल रहई छथिन। विद्यालय के बच्चा सोनू कुमार, सीमा कुमारी, राजेश कुमार लगभग बीस बच्चा कहलथिन कि हम सब पढ़े अबइले। हमरा सब के किताब, खाना मिलईय चाहे जेहन मिले।
विद्यालय के शिक्षक कहलथिन कि हम सब कि करू गांव के लोग त ओहिना कहई छथिन। पढ़बई छी तइयो लोग सब कहई छथिन कि न होई छई। बैठक भी करबईले तईयो लोग कहई छथिन कि बैठक न होई छई। डेली मध्याहन भोजन के रिर्पोट भी देवे के रहई छई। छात्रवृति, पोशाक योजना सब के बाटे के अउर रिर्पोट जिला में भेजे के रहई छई।
प्रखण्ड शिक्षा पदाधिकारी कपिलेश्वर पासवान कहलथिन कि हम त जाइले त बैठक भी होई छई। कहीं-कहीं के लोग न भाग लेई छथिन। हम चाहईले कि विद्यालय के सब व्यवस्था ठीक रहे।