करिन छेड़खानी

जिला बांदा, ब्लाक बबेरू। हेंया एक गांव मा एक मेहरिया के साथै 7 जनवरी 2014 का गांव के बुद्दन अउर राजा छेड़खानी करिन। बबेरू कोतवाली मा रपट लिखा के कारवाही के मांग करिस है।
मेहरिया बतावत है-“मैं गोबर पाथै आपन बाड़ा गई रहौं। गांव का बुद्दन तिवारी अउर बुद्दन तिवारी का लड़का राजा तिवारी दारू पीके छेड़खानी करिन। मैं विरोध करेंव तौ जान से मारै के धमकी दिहिन। मोर मनसवा परदेश मा है। ससुर उलहना दें गा तौ वहिके साथै मारपीट करिन। मोहल्ला के मड़ई न बचावत तौ जान से मार डारत। मैं बबेरू कोतवाली मा रपट लिखावैं गई रहौं। काहे से दुई तीन दरकी मोरे साथै छेड़खानी कई चुके हैं।”
बबेरू कोतवाली का मुंशी मकसूद खां कहत है कि जांच के बाद कारवाही कीन जई। अबै या मामला मा जांच चलत है।