कमरा मे मिलो ओरत को जलो भओ शरीर

akhabarpur thana copyजिला अम्बेडकरनगर, ब्लाक कटेहरी, गांव मथानी। एते 24 मार्च 2016 खा एक 30 साल की ओरत के लाश ऊखे घर मे जलो भओ मिलो हतो। ओरत को बाप ने ससुराल वाले के ऊपर दहेज हत्या को आरोप लगाउतत हे। महरूआ थाना की पुलिस लास खा पंचनामा भर पोस्टमार्टम खा भेज दओ हे।
गांव के आदमी बताउत हे की सुरेश कुमार के दो ओरते हती। पेहली ओरत के एक बिटिया हती। ऊने गांव के ही फूल कुमारी के साथे दूसर शादी कर लई हती। ऊखेे तीन लड़का हते। फूल कुमारी 24 मार्च की रात में खाना खायें के बाद अपने कमरा मे सोउत हती। सुबेरे जभे बोहतई देर तक ऊखे कमरा नईं खुले तो गांव वाले के मदद से दरवाजा तोड़ के अन्दर देखो, तो कमरा में ऊखो जली लास मिली। घटना केसे भई कोनऊ पता नइयां। आदमी सुरेश कुमार बताउत हे कि मिट्टी के तेल डाल के आत्महत्या कर लई हे। मृतका के बाप को आरोप हे कि हमाये बिटिया खा ऊखे आदमी ओर परिवार वाले पेहले से प्रताडि़त करत हते। हत्या करके आत्महत्या दिखायें खे लाने कमरा में जला दओ हे।
महरूआ थाना के थाना अध्यक्ष मोहम्मद सिद्दीकी बताउत हे की हत्या को मुकदमा लिखके जांच करी जात हे। जांच के बाद गांव की कोनऊ कारवाही करी जेहे।