कईसे होतई पढ़ाई

vid
विद्यालय में पढ़ईत बच्चा

जिला शिवहर, बी.आर.सी. के बगल में बुनियादी विद्यालय चल रहल हई। जेईमें एक वर्ग से लेके आठ वर्ग तक के बच्चा के पढ़ाई हो रहल हई। लेकिन एई में मात्र चार गो शिक्षक हई। जेई कारण बच्चा सबके पढ़ाई में दिक्कत हो रहल हई।

सातवां के निभा कुमारी, आठवां के शोभा कुमारी कहलथिन कि हमर सब के विषय के अनुसार पढ़ाई न होईय। कारण कि दुगो वर्ग के एके जगह पढ़ाई होई छई। त एगो वर्ग के बच्चा सब बइठल रहई छई। यदि वर्ग के अनुसार शिक्षक रहतिअई त हमर सबके पढ़ाई वर्ग बाट के होतियई।

प्रधानाध्यापक सहायक प्रभारी रेणु कुमारी अउर सहायक शिक्षक राकेश मिश्र कहलथिन कि ऐई विद्यालय में बच्चा के कुल नामांकन दु सौ बहतर अउर उपस्थिति एक सौ अस्सी हई। अभी चार शिक्षक हई जेईमें एगो शिक्षक त कागज अउर बाहरे के काम में रहई छथिन। त हम सब तीन शिक्षक मिलके अतेक बच्चा के संभालई छी। शिक्षक के कमी हई ऐई के लेल एक जगह दुगो वर्ग के पढ़ाई होई छई।

जिला शिक्षा कार्यक्रम पदाधिकारी प्रमोद साहु कहलथिन कि सरकार के आदेशानुसार अलग से शिक्षक के बहाली कयल जाई छई। अभी बहाली न होलईय। एही से एतना शिक्षक हई।