औरतन खातिर नहीं आय व्यवस्था

Ramnagar - PHC copyजिला चित्रकूट, ब्लाक रामनगर, गांव उफरौली के पुष्पा 16 मई का दवाई करवावैं सामुदायिक स्वास्थ्य केन्द्र आई रहै। वहिका सामुदायिक स्वास्थ्य केन्द्र मा सुविधा नहीं मिली। यहिसे वा परेशान होइगे रहै।
सामुदायिक स्वास्थ्य केन्द्र मा इलाज करावैं वालेन का कहब हवै कि ग्लूकोज चढ़वावैं का पलंग नहीं मिलत हवै।
हिंया के पुष्पा बताइस कि बाहर से दवाई मंगवावैं का परत हवै। दुइ बोतल चढ़ावैं मा बत्तिस रूपिया लइ लिहिन हवैं। एकै दवाई सबै मरीजन का देत हवैं। दवाई  नहीं करत तौ फेर दुबारा से सामुदायिक स्वास्थ्य केन्द्र आवैं का परत हवै। दुबारा आवैं मा हमार किराया भाड़ा लाग जात हवै। यहिसे लागत हवै कि प्राइवेट अस्पताल मा दवाई करवा लेइ तौ नींक रहत।
रामनगर सामुदायिक स्वास्थ्य केन्द्र के प्रभारी डाक्टर गिरीश कुमार पाण्डेय का कहब हवै कि सरकार कइती व्यवस्था करावैं के मांग कीन जई। मरीजन खातिर एक महीना पहिले कूलर लगवा दीन गा हवै।

रिपोर्टर – सहोद्रा देवी