ओई बदला में मिलल हई दोसर चापाकल

gaonजिला सीतामढ़ी, प्रखण्ड बथनाहा, पंचायत रूपौली रूपहारा,गांव कोईली गोट, वार्ड नम्बर तेरह। उहां मलिक टोला में लगभग पांच महीना से चापाकल खराब हई। लेकिन इ समस्या पर पंचायत से कोई ध्यान न देई छथिन।
इहां के लोग जगदीश मलिक, मीना देवी, कामनी देवी, सब लोग कहलथिन कि इ चापाकल एक बेर अउर खराब रहई त हम सब मिल के बनबएले रही। त कुछ दिन सही से चललई लेकिन कुछ दिन बाद फेर खराब हो गेलई। चापाकल के पाईप अंदर से फुट गेल हई अउर हैंडिल भी आधा पर से टूट गेल हई। ऐई के बनवावे के लेल कतेक बेर मुखिया के कहले रही लेकिन कहां कोई सुनई छथिन? वार्ड सदस्या पुकारी देवी के बेटा राजकुमार राउत कहलथिन कि इ समस्या के लेल हमरा कहा कोई खबर कलथिन। जब कोई जानकारी होतई तब न कोई काम होतई।
मुखिया श्रीकांत उर्फ बबलू कुमार सिंह कहलथिन कि उ चापाकल के बदले में हम दोसर चापाकल पी.एच.ई.डी. विभाग से हलवा देली।