ए.एन.एम. शुरू करिन क्रमिक अनशन

anmजिला बांदा, ब्लाक नरैनी, कस्बा नरैनी। हेंया के सामुदायिक स्वास्थ्य केन्द्र के लगभग पचीस ए.एन.एम. 23 अप्रैल से प्राइवेट गाड़ी ड्राइवर के खिलाफ भूख हड़ताल मा हैं।
ए.एन.एम. रूप कुमारी का कहब है-“प्राइवेट गाड़ी चालक रामबाबू के गाड़ी अस्पताल मा न लगाई जाय। अस्पताल घुसैं मा रोक लगावा जाय। रामबाबू का खाना बनावैं के काम से हटवा जाय। काहे से रामबाबू आपन गाड़ी लइके हमरे क्षेत्र मा जात है तौ हमार वैक्सीन के डिब्बा नहीं लावत आय। ज्यादा जोर दइके डिब्बा लई जाय का कहै तौ गाली देत है। कइयौ दरकी ए.एन.एम. के ऊपर हाथ उठावैं के कोशिश करिस है। इनतान से या हमै अतरे दिन परेशान करत रहत है। या मारे हम यहिके ऊपर कारवाही करैं के खिलाफ धरना मा हन। 15 अप्रैल से 22 अप्रैल तक नरैनी सामुदायिक स्वास्थ्य केन्द्र मा धरना करेंन। हमार मांगै पूरी नहीं भे रही आय। 23 अप्रैल का हम सी.एम.ओ. का भी दरखास दीन है। उंई लिखित भरोसा दिहिन कि उनके मांगन का पूरा कीन जई। पै हमरे खातिर या लिखित भरोसा संतोष जनक निहाय। जबै तक हमार मांग न पूर होइहैं तबै तक हम धरना करबे। साथै टीकाकरण अउर पोलियो के काम का वहिष्कार करबे। धरना मा माया, द्रोपदी, शकुन्तला, ममता, अंजना, सरोज, कमला, इन्दु, विद्यावती, शशिकला, परमपूर्णा, रामरानी शामिल रहंै।
रामबाबू कहिस कि ए.एन.एम. चिढ़ के मारे झूठ इल्जाम लगावत हैं, जउन धरना करैं का होय तौ करंै। नरैनी चिकित्सा अधीक्षक ए.के. सिंह कहिन कि जउन मांग जायज हैं। उंई जरूरी पूर कीन जइहंै। वइसे भी अबै जांच चलत है।