एडमीशन न मिलै से छात्र करिन अनशन

महाविद्यालय के सउहें अनशन करत छात्र
महाविद्यालय के सउहें अनशन करत छात्र

बांदा शहर के पंडित जवाहरलाल नेहरू महाविद्यालय मा एडमीशन न मिलै से परेशान छात्र 3 सितम्बर का तालाबन्दी करिन हैं। अब उंई 10 सितम्बर 2013 से विद्यालय गेट मा आमरण अनशन करे हैं।
छात्र निर्भय सिंह, गौरव सिंह चन्देल कहत हैं कि हम लोग एडमीशन करवावैं खातिर समय से फारम नहीं भर पावा। काहे से बरसात अउर बाढ़ मा फंसे रहे हन। या मारे विद्यालय नहीं आ पायेन। अब विद्यालय मा हमका एडमीशन खातिर जगह नहीं दीन जात आय। जबै कि 6 सितम्बर 2013 का डी.एम., ए.डी.एम. अउर सिटी मजिस्टेªेट का यहिके दरखास भी दीन रहन। यहिके बाद भी हमार कउनौ सुनाई निहाय। अगर हमार एडमीशन न होई तौ हम लोग आपन पढ़ाई आगे कसत कई पइबे। हमार पूरा साल भी बरबाद होई।
ए.डी.एम. विजय बहादुर सिंह का कहब है कि एडमीशन के तारीख तौ निर्धारित होत है। वहिमा कउनौ परेशानी अउर बहाना नहीं चलत आय। यहिमा हम का कई सकत हन।