एक समस्या के हई दु रंग नियम

जिला सीतामढ़ी, प्रखण्ड बथनाहा, गांव ब्रहमपुरी टोला वार्ड नम्बर तेरह। इहां के उर्मिला देवी के लगभग पन्द्रह साल पहिले इंदिराआवास मिलल रहई। लेकिन उनकर घर अभी तक अधुरा ही हई।
उहां के उर्मिला देवी कहलथिन कि हमर पति सीतामढ़ी में रिक्सा चलबई छथिन। ओही से घर परिवार चलईय। हमरा पहिले बीस हजार वाला इंदिराआवास मिलल। ओइ से घर पुरा न बन पायल रहल। अभी सुनई छी अधुरा घर पुरा करे ला सरकार तीस हजार रूपइया देई छथिन। हमरा घर के सर्वे कके लेगेलथिन। लिस्ट में हमर नाम भी रहे लेकिन हमर नाम छट गेल।
प्रखण्ड इंदिराआवास प्रवेक्षक राना रंधिर कहलथिन कि इंदिराआवास मुख्यमंत्री जनोधार योजना के तहत एक जनवरी 1996 से लेके 31 मार्च 2004 तक के लाभार्थी के जीनका बीस हजार पुरा रूपइया मिल गेल हई। लेकिन उनकर घर पुरा न भेल हई। उनके एइ योजना के लाभ फेर से मिलतई। जेकर सर्वे क के जिला में भेज देबइ। उहां से स्वीकृत हो के अतई तब मिलतई