एक बरस से बंद हवै विधवा पेंशन

शान्ती
शान्ती

जिला चित्रकूट, ब्लाक कर्वी, गांव कर्वी माफी, शोभा सिंह का पुरवा। हिंया के शान्ती का विधवा पेंशन बारह बरस से मिलत रहै, पै एक बरस से पेंशन मिलब बंद होइगे हवै। या कारन वा समाज कल्याण विभाग के कइयौ चक्कर लगावत हवै।
या समस्या का लइके समाज कल्याण विभाग के पैश्वनी बाबू से बात कीन गे। उनकर कहब हवै कि वा आपन पुरान पास बुक लइके आवै। काहे से कि नई पास बुक मा पता नहीं लागत हवै।
पुरवा के शान्ती का कहब हवै कि पहिले पेंशन मिलत रहै तौ कुछौ नून रोटी का होइ जात रहै। एक बरस से पेंशन मिलै का नाम नहीं आवत हवै। या कारन दुइ जून पेट भर रोटी खाये का तरसत हौं। यहै से मेहनत मजूरी भी नहीं कीन होत हवै। बुढ़ापे मा कउनौ का सहारा नहीं आय। पेंशन मिलै लागै तौ नींक होइ।