एक घण्टा मा शहर के अन्दर चार एक्सीडेन्ट

exident in tazaजिला बांदा। 8 जून के रात चार अलग-अलग जघा एक्सीडेन्ट से मउत होइगे। पुलिस लाष का पंचनामा भर के पोस्टमार्टम खातिर जिला अस्पताल भेज दिहिस है।

बांदा हर मोहल्ला खांईपार। हेंया के पैंसठ साल के लईक अहमद का एक्सीडेन्ट मोटर साइकिल से 8 जून रात सवा नौ बजे रात के होइगा। मोटर साइकिल का नम्बर है यू.पी. 78 बी.इ्र्र. 8325 है। लईक अहमद जिला अस्पताल से रिफर कई दीन गा। होय से कानपुर लई जात समय रास्ता मा खतम होइगा।

ब्लाक नरैनी, गांव करतल। हेंया के मेवालाल का एक्सीडेन्ट मोटर साइकिल 8 जून का रात दस बजे होइगा। रोड से लाग घर के सउहें लडकी आवैं का इन्तजार करत रहैं।

ब्लाक बडोखर खुर्द, गांव झील का पुरवा। हेंया का कमलेष बताइस कि वहिके बडे भाई छोटलाल उर्फ छोटू अउर मूलचन्द्र उर्फ बडकू के मउत एक्सीडेन्ट से 8 जून का रात साढे नौ बजे होइगें। दूनौ मटौंध गांव से मोटरसाइकिल से घर आवत रहैं। सउहें से आवत ट्रक टक्कर मार दिहिस जेहिसे कुचल गे। सूचना पा के पुलिस दूनौं का जिला अस्पताल लाई। बडकू मर गा रहै पै छोटकू मा जान रहै। वा पुलिस से सब कुछ बतावैं के बाद खतम होइगा। तबै पुलिस हमार घर पहुंची अउर या घटना का बताइस। दूनौ भाई एक साथौ जन्मे रहैं अउर एक साथै मर भी गें। या बात रहि रहि के मड़इन के मुंह सुनैं का मिलत रहै।