उखड़ी परी सी.सी. सड़क

03-04-14 Kasba - Banda sadakजिला बांदा, ब्लाक महुआ, कस्बा महुआ। हेंया के वार्ड नम्बर तीन दलित बस्ती मा पांच साल पहिले सी.सी. सड़क बनी रहै। जउन या समय पूरी एक साल से उखड़ी परी है अउर बड़े-बड़े गड्ढ़ा है। बच्चन का स्कूल जाब मुश्किल परत है।
कस्बा के ठाकुर प्रसाद, फूला अउर शकुन्तला बतावत है कि वा रास्ता मा प्राइवेट स्कूल है। स्कूल मा बच्चा पढ़ै जात है अउर दुई पुरवा के मड़ई निकरत हैं। यतने बड़े गड्ढ़ा होय के कारन मड़ई गिर भी जात हैं। यहिके बाद भी सड़क खातिर कउनौ बनवावैं का ध्यान नहीं दीन जात आय। अगर सड़क बन जाय तो नींक है। जिला पंचायत सदस्य भगवती का मनसवा खुल्लू कहत है कि अबै चुनाव का माहौल चलत है। चुनाव बाद प्रस्ताव बना के भेजा जई। बजट पास होय के बाद सड़क बनी।