इधर-उधर भटकत मरीज

Tarun CHC webवइसे तौ फैजाबाद के अस्पताल मा सामुदायिक स्वास्थ्य केन्द्र मा डाक्टर कै कमी रहाथै। लकिन यहि गर्मी मा जहां मरीजन कै संख्या काफी बढ़ी बाय वहीं डाक्टरन कै कमी से काफी परेषानी हुवत बाय। मरीज दधर-उधर भटकत नजर आवत अहैं।
एक तरफ जहां मरीज कै अस्पतालन मा काफी संख्या बढ़त बाय। गर्मी मा कालरा दस्त जैसेन बिमारी से ओ.पी.डी. मा मरीजन कै संख्या तीन चार सौ होय गै बाय। अउर उनका बराबर इलाज नाय होय पावत बाय। वहीं डाक्टर भी कम हुवय से काफी दिक्कत बाय। जवन डाक्टर हइयौ बाटे उनका भी यही गर्मी मा दौड़ दौड़ के हालत खराब भै बाय। बीकापुर सामुदायिक स्वास्थ्य केन्द्र मा चिकित्सक अउर नर्स के कमी से काफी परेषानी बाय। जेसे मरीजन कै परेषानी बढि़गै। अउर उनका यहि अस्पताल से वहि अस्पताल दौड़य का परत बाय।
गर्मी के साथ-साथ बढ़त बिमारी से जहां मनई परेषान अहैं। वहीं डाक्टर के कमी से पूरा स्टाफ जूझत बाय। डाक्टरन कै प्रयास रहाथै कि हर मरीज का बराबर इलाज मिल सकै। लकिन जहां यहि समय डाक्टरन कै बढ़ोत्तरी हुवय के बजाय कमी काहे कै दीन जाथै। यस कउनौ समय नाय बाय कि जब मरीजन का बराबर इलाज मिलत हुवय। हरदम इहैं षिकायत सुनै का मिलाथै कि इलाज नाय मिला।